Türkiyədə kilsədəki silahlı hücumla bağlı son məlumat
Türkiyə polisi İstanbuldakı "Santa Maria" kilsəsinə silahlı hücum edən hər iki şəxsi saxlayıb.
Bu barədə Türkiyənin daxili işlər naziri Ali Yerlikaya sosial şəbəkə hesabında məlumat verib.
Qeyd edək ki, hadisə yanvarın 28-də yerli vaxtla saat 11:40 radələrində İstanbulda yerləşən "Santa Maria" kilsəsində bazar ibadəti zamanı baş verib. Maskalı 2 şəxs tərəfindən açılan atəşdən sonra kilsədə işləyən 52 yaşlı Türkiyə vətəndaşı həyatını itirib.
Türkiyə Prezidenti Rəcəb Tayyib Ərdoğan başda olmaqla ölkə siyasətçiləri, o cümlədən dövlət rəsmiləri törədilən bu qanlı hadisəni pisləyiblər.
Türkiyənin daxili işlər naziri Ali Yerlikaya cinayətkarların saxlanılması istiqamətində İstanbul Valiliyi, Polis və Kəşfiyyat təşkilatları başda olmaqla ölkənin bütün təhlükəsizlik qüvvələrinin səfərbər edildiyini deyib.