Türkiyənin 32 vilayətində İŞİD əməliyyatı | Türkiyə DİN-dən məlumat

Türkiyədə İŞİD terror qruplaşmasına qarşı keçirilən antiterror əməliyyatı nəticəsində 304 şübhəli saxlanılıb.

Bu barədə ölkənin daxili işlər naziri Ali Yerlikaya sosial media hesabında məlumat verib.

Nazir Kəşfiyyat Baş İdarəsi və Terrorla Mübarizə Şöbəsi ilə əlaqələndirilmiş şəkildə 32 əyalətdə eyni vaxtda “Kahramanlar-34” əməliyyatı təşkil etdiklərini vurğulayıb.

Onun sözlərinə görə, İstanbul, İzmir və Şanlıurfa da daxil olmaqla, həmin bölgələrdə 304 şübhəli nəzarətə alınıb.

A.Yerlikaya bildirib ki, son terrorçu zərərsizləşdirilənə qədər terrorla mübarizə qətiyyətlə davam edəcək.