Vaşinqton həyəcan təbili çaldı | Hörmüzün taleyi necə olacaq? - Baku TV

“Amerikalılara etibar etmək olmaz, çünki onların siyasətinin mahiyyəti öhdəliklərin pozulmasına əsaslanır”.

Bunu İranın Milli Təhlükəsizlik Şurasının katibinin müavini Əli Baqeri “Al-Mayaden” televiziyasına müsahibəsində deyib.

“İranın qanunsuz sanksiyalar və hərbi təcavüz qarşısında qələbəsinin səbəbi xalqın dəstəyidir”, – deyə o əlavə edib.

Baqerinin sözlərinə görə, regionda qeyri-sabitlik və təhlükənin əsas səbəbkarı ABŞ və İsraildir.

Bu arada, ABŞ maliyyə naziri Skott Bessent Hörmüz boğazından keçən gəmilər üçün ödəniş sisteminin yaradılması cəhdlərinin qarşısının alınacağını bildirib. O bu barədə "X" hesabında yazıb.

Bessent həmçinin ABŞ-nin İranın iki böyük aviaşirkətinin fəaliyyətini bloklamağa çalışdığını vurğulayıb.

“İki əsas İran aviaşirkətinin eniş nöqtələrini, yanacaqdoldurma və bilet satışlarını bloklayacağıq”, – deyə nazir paylaşımında yazıb. O, söhbətin hansı şirkətlərdən getdiyini qeyd etməyib.

Maraq üçün bildirək ki, İranın ən böyük aviaşirkətləri “Mahan Air” və “Iran Air”dir.