Yaponiya Marsın peykinə pilotsuz kosmik aparat göndərərək dünyada ilkə imza atdı

Yaponiya Kosmik Tədqiqatlar Agentliyinin hazırladığı "Martian Moons eXploration" adlı kosmik aparat oktyabrın 20-də H3 raket-daşıyıcısı ilə orbitə çıxarılıb.

Buraxılış ölkənin cənub-qərbində yerləşən Kosmik Mərkəzdən həyata keçirilib. Aparatın 2027-ci ilin avqustunda Marsa çatacağı, topladığı nümunələrin isə 2031-ci ildə Yerə gətiriləcəyi gözlənilir.

Yaponiya Kosmik Tədqiqatlar Agentliyi Fobosun səthindən ən azı 10 qram material götürərək laboratoriya şəraitində araşdırmağı planlaşdırır.

Qeyd edək ki, Fobos Marsın iki təbii peykindən daha böyüyüdür və Mars ətrafında gündə üç dəfə dövrə vurur. Alimlər hesab edirlər ki, missiyanın nəticələri Marsın peyklərinin necə yaranması ilə bağlı mühüm məlumatlar verə, Günəş sisteminin formalaşmasının ilkin mərhələlərini daha yaxşı anlamağa kömək edə bilər.

Bu buraxılış Yaponiyanın H3 raketinin planetlərarası missiyada ilk istifadəsi ilə əlamətdardır. Raketin 2023-cü ildəki ilk uçuşu ikinci pillə mühərrikinin işə düşməməsi səbəbindən uğursuz olsa da, sonrakı buraxılışların əksəriyyəti uğurla həyata keçirilib.