Pleyeri seçin:
Yaponiyadakı istilər sakinləri boğaza yığdı | Ölümə sürükləyən temperatur
Yaponiya sinoptikləri ölkədə yeni temperatur rekordu qeydə alıblar. Termometr göstəriciləri nə az, nə çox müsbət 41,8 dərəcəyə yüksəlib.
Yaponiya Milli Meteorologiya Agentliyinin məlumatına görə, rekord göstərici Qunma prefekturasının İsaki şəhərində qeydə alınıb. Bu, 19-cu əsrin sonundan bəri maksimumdur.
Qeyd olunur ki, ölkə üzrə bir başqa yeni rekord cəmi bir həftə əvvəl, iyulun 30-da Tamba şəhərində qeydə alınmışdı ki, bu da müsbət 41,2 dərəcə idi.
Yanğın və Fəlakətlərin İdarə Olunması Agentliyinin məlumatına görə, bu yay indiyədək 53 mindən çox insan gün vurması səbəbindən xəstəxanaya aparılıb. Yaponiyada orta temperatur iyul ayında üçüncü ildir ki, rekord həddə çatdıqdan sonra yüksəlməyə davam edir. Yapon dənizi boyunca şimal-şərq bölgəsində isə kritik dərəcədə aşağı yağıntılar qeydə alınıb və bu, düyü məhsulu ilə bağlı narahatlıqları artırır.
Kopyalandı
#Yaponiya teqi istifadə olunub
Seçilmişlər
