Zalujnı Ukrayna üçün çox şey edib | Ukraynalı qadın

Ukrayna Silahlı Qüvvələrinin Baş Komandanı Valeri Zalujnının vəzifəsindən azad edilməsi barədə yayılan xəbərlər son günlər yerli və Qərb mətbuatında gündəm olub.

Xəbərlərdə o da qeyd olunub ki, hətta V.Zalujnıya Ukrayna Təhlükəsizlik və Müdafiə Şurasının katibi və digər vəzifələr təklif olunsa da, o, həmin vəzifələrdən imtina edib. Buna səbəb kimi Rusiya-Ukrayna müharibəsinin gedişi ilə bağlı Valeri Zalujnı ilə Prezident Volodimir Zelenski arasında fikir ayrılıqlarının olması göstərilir.

Mətbuat yazır ki, general V.Zalujnının kütləvi səfərbərlik tərəfdarı olması Prezidentin xoşuna gəlmir.

Bəs Ukrayna xalqı necə, V.Zalujnının vəzifəsindən azad edilməsini istəyirlərmi? Baku TV bununla bağlı Kiyevdə sorğu keçirib.