Zalujnının vəzifədən çıxarılmasına Britaniya nəşrindən qeyri-adi reaksiya

Britaniyanın “The Telegraph” nəşri Ukrayna Ordusunun istefaya göndərilən Baş komandanı Valeri Zalujnı ilə bağlı diqqətçəkən məqalə yayımlayıb.

Nəşr Zalujnını “zarafatcıl” adlandırıb və iddia edib ki, o, gəncliyində peşəkar aktyor olmağı arzulayırdı.

“Valeri Zalujnını tanıyanlar bəzən yazırdılar ki, Ukraynanın hərbi rəhbərliyində bir deyil, iki komik var. Volodimir Zelenski kimi baş komandan da zarafatcıl birisi olaraq tanınırdı”, – deyə bildirilib.

Həmçinin iddia edib ki, V.Zalujnı öz uğurlarının qurbanına çevrilib. Belə ki, o, Ukraynaya böyük yardımlardan dolayı vəzifəsindən qovulub.

Qeyd edək ki, V.Zelenski V.Zalujnını istefaya göndərib və yerinə quru qoşunları komandanı Aleksandr Sırskini təyin edib.