Zaxarova bu ölkələri hədələdi | İlk zərbə haraya olacaq?
Rusiya Qərbin Ukraynaya hərbi dəstək və yardımının qarşısını almaq üçün Avropaya qarşı təhdidedici ritorikasını sərtləşdirir.
Bu barədə ABŞ-nin Müharibə Araşdırmaları İnstitutunun təhlilində deyilir.
İnstitut Rusiya Xarici İşlər Nazirliyinin sözçüsü Mariya Zaxarovanın aprelin 17-də Almaniyanın “Taurus” raketləri ilə Rusiyaya istənilən zərbənin Berlinin müharibədə birbaşa iştirakı kimi qiymətləndiriləcəyi ilə bağlı bəyanatına diqqət çəkib.
M.Zaxarova Estoniyanı da hədələyib. O, Rusiya Xarici Kəşfiyyat Xidmətinin direktoru Sergey Narışkinin Rusiya və Belarusa qarşı NATO təcavüzü halında Polşa və Baltikyanı ölkələrin birinci zərər çəkəcəyi təhdidini təkrarlayıb.
Analitiklər qeyd edirlər ki, Kreml Qərbin qərarlarına təsir etmək və Kiyevə yardımdan çəkindirmək məqsədi daşıyan belə hədələrdən dəfələrlə istifadə edib. Rusiya ötən il Ukraynanın ABŞ-nin ATACMS raketlərindən istifadəsinin qarşısını almaq üçün Vaşinqtonu da eyni cür hədələmişdi.
Müharibə Araşdırmaları İnstitutuna görə, Kreml Ukraynaya yardımın qarşısını almaq üçün Avropanın səylərini təxribat kimi qələmə verməyə çalışır.
Almaniyanın hazırkı Kansleri Olaf Şolts “Taurus”ların Ukraynaya tədarükündən imtina etsə də, mayın 6-da vəzifəsinin icrasına başlayacaq yeni Kansler Fridrix Merts sözügedən sistemlərin Kiyevə veriləcəyini istisna etmir.
#Rusiya Xarici İşlər Nazirliyi teqi istifadə olunub
- Rusiyadan Ermənistana xəbərdarlıq | Sergey Lavrovdan sərt sözlər - Baku TV
- Rusiya XİN | "Bu cür addımlar ağır nəticələr verəcək" - Baku TV
- Zaxarovadan Zəngəzur açıqlaması | Rusiyadan Ukrayna ilə bağlı sərt mövqe - YENİ BİR SƏHƏR
- Ermənistanın mövqeyi nədir? | Zəngəzur dəhlizi ətrafında pərdəarxası danışıqlar - Baku TV
- Rusiya XİN: ”Aİ Ermənistandan anti-Rusiya kursuna tam sadiqlik tələb edəcək”
