Zelenski Moskvadakı partlayış barədə hər şeyi açıqladı | 1 ay idi ki...

Ukrayna Prezidenti Volodimir Zelenski gözlənilməz açıqlama verib.

O, britaniyalı jurnalist Pirs Morqana müsahibəsində bildirib ki, Ukrayna Təhlükəsizlik Xidməti (SBU) Donbasda və Maydanda qətllərdə əli olduğu iddia edilən şəxsi məhv edib.

Məlum məsələdir ki, söhbət Donetsk Boks Federasiyasının prezidenti və “Arbat” batalyonunun yaradıcısı Armen Sarkisyanın qətlindən gedir.

Jurnalistin Moskvada “Alıe Parusa” elit yaşayış kompleksində baş verən partlayışla bağlı ünvanladığı suala V.Zelenski belə cavab verib:

“Ukraynalıları öldürməkdə ittiham olunan şəxsin məhv edilməsi əməliyyatı” uğurla həyata keçirilib”.

Eyni zamanda Ukrayna lideri bu şəxslə tanış olmadığını və onun adını bilmədiyini iddia edib.

İstintaq Komitəsi isə baş verən hadisənin təfərrüatları barədə məlumatları açıqlayıb. Bildirilib ki, partlayışa “MON-50” piyada əleyhinə minanın kamikadze tərəfindən partladılması səbəb olub.

“Hücum planı üzərində ən azı bir ay işlənilib. Cinayətin təşkilatçıları kompleksdə mənzil kirayələyib və həmin gün A.Sarkisyanın arxasınca gediblər. Hər kəsin rolları əvvəlcədən müəyyənləşib”, – deyə İstintaq Komitəsindən bildirilib.