Zəlzələdə ziyan görən ev çökdü | Türkiyədə dəhşətli hadisə

Türkiyənin Şanlıurfa vilayətinin Bozova məhəlləsində ikimərtəbəli ev çöküb.

Yerli medianın xəbərinə görə, nəticədə iki nəfər ölüb, səkkiz nəfər yaralanıb.

Əraziyə Fövqəladə Hallar, xilasetmə, sağlamlıq və jandarm qrupları cəlb edilib. Xəsarət alanlar dərhal xəstəxanaya çatdırılıb. Vəziyyətlərinin qənaətbəxş olduğu bildirilir.

Məlum olub ki, çökən evə 2023-cü ilin fevralın 6-da baş verən zəlzələ zamanı orta dərəcədə ziyan dəyib. Hadisə ilə bağlı istintaq davam etdirilir.