11 yaşlı oğlanın faciəvi ölümü | Anası və qardaşı elə şeylər danışdı ki... - Baku TV

Salyanda 11 yaşlı uşaq iynədən şoka düşərək ölüb.

Hadisə rayonun 20 yanvar küçəsində baş verib.

11 yaşlı Elcan Nəcəfovun halı pisləşdiyi üçün valideyni təcili tibbi yardıma müraciət edib. Uşaq ilkin müayinədən sonra dərhal Salyan Rayon Mərkəzi Xəstəxanasına aparılıb. Həkimlərin tibbi yardımına baxmayaraq, Elcan Nəcəfovun həyatını xilas etmək mümkün olmayıb.

“Dəqiqləşdirilməmiş hiperqlikemiya diaqnozu ilə azyaşlıya zəruri tibbi xidmətlər göstərilib. Aparılan reanimasiya tədbirlərinə baxmayaraq, 5 yanvar saat 04:00 radələrində pasiyentin bioloji ölüm faktı qeydə alınıb”. Bu barədə Salyan Rayon Mərkəzi Xəstəxanasının açıqlamasında bildirilib.

Məlumatda ölümünə ilkin səbəb kimi hipotoniya qeyd olunub. Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Salyan Rayon Şöbəsinə təhvil verilib.

Faktla bağlı araşdırma aparılır.