Ana və 3 övladına dəhşət yaşadan hadisə | "Tapmadıq, bilmirik ki..." - Baku TV

Qobustanda bir ailənin 4 üzvü dəm qazından zəhərlənib.

Hadisə Ağaqulu Xudaquluyev küçəsi, 115, ünvanında qeydə alınıb.

Hadisə nəticəsində ev sahibi və onun 3 övladı dəm qazından zəhərlənmə şübhəsi ilə Qobustan Rayon Mərkəzi Xəstəxanasına çatdırılıb.

Zəhərlənənlərin yaxınının verdiyi məlumata görə, hadisə səhər saatlarında baş verib:

“Böyük qızım mənə zəng edərək bildirdi ki, bacısı ona “biz ölürük, uşaqlar qusur, hamımızın başı ağrıyır” deyib. Dərhal hadisə yerinə gəldim. Vəziyyətin ağır olduğunu görüb təcili yardımı gözləmədən onları öz maşınımla xəstəxanaya apardım”.

Qobustan Rayon Mərkəzi Xəstəxanasından qeyd olunub ki, 20 aprel 2026-cı il tarixində, saat 08:50 radələrində zəhərlənmə şübhəsi ilə 4 nəfər (2 kişi və 2 qadın) Təcili tibbi yardım şöbəsinə müraciət edib:

“Həmin şəxslərə dəm qazının toksiki təsiri diaqnozu qoyulub və zəruri tibbi yardımlar göstərilib. Hospitalizasiya olunan xəstələrin vəziyyəti stabilləşdikdən sonra onlar ambulator müalicə üçün evə buraxılıblar. Hazırda vəziyyətləri qənaətbəxş qiymətləndirilir”.