Bakıda tikiş sexində hansı nöqsanlar aşkarlandı? - FHN tədbir gördü
Binəqədidə yanğın təhlükəli tikiş sexinin fəaliyyəti dayandırılıb.
Fövqəladə Hallar Nazirliyindən bildirilib ki, Nazirliyin Dövlət Yanğın Nəzarəti Xidməti tərəfindən Bakı şəhərinin Binəqədi rayonunda yerləşən “Bakı Tekstil Fabriki” MMC-yə məxsus tikiş sexində keçirilən yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.
Belə ki, obyektdə ilkin yanğınxəbərverici siqnalizasiya qurğusu tam quraşdırılmayıb, həmçinin mövcud qurğuya texniki qulluq göstərilməyib; elektrik təsərrüfatı “Elektrik Qurğularının Quraşdırılması Qaydası”nın tələblərinə uyğun quraşdırılmayıb və elektrik təsərrüfatına profilaktik baxış keçirilməyib; obyektdə yanğın su hovuzu mövcud deyil və daxili yanğın kranları quraşdırılmayıb; obyekt odsöndürən balonlarla tam təmin olunmayıb; təxliyə planı mövcud deyil; obyektin taxta konstruksiyalarına odadavamlı məhlul hopdurulmayıb; obyektin müəyyən yerlərində yanar üzlüklərdən istifadə olunub; istehsalat və anbar otaqlarında yanar materialdan istifadə edilərək otaqlar yaradılıb; anbar sahəsində mallar “Yanğın Təhlükəsizliyi Qaydaları”nın tələblərinə uyğun yığılmayıb; obyektin ərazisi yanar tullantılardan təmizlənməyib; tikinti və layihə sənədləri yanğın təhlükəsizliyinə əməl olunması baxımından DYNX ilə razılaşdırılmayıb; obyektin daşınmaz əmlakının icbari sığorta şəhadətnaməsi təqdim olunmayıb.
Qeyd olunanları nəzərə alaraq yanğın təhlükəsizliyi norma və qaydalarının tələblərinin kobud pozulması faktları aşkar edilmiş “Bakı Tekstil Fabriki” MMC-yə məxsus tikiş sexinin fəaliyyətinin dayandırılması barədə qərar qəbul olunub.
#Fövqəladə Hallar Nazirliyi teqi istifadə olunub
- Naxçıvanda restoranda yanğın | FHN əraziyə cəlb olundu - Baku TV CANLI
- Sumqayıtdakı partlayışda xəsarətalanların vəziyyəti açıqlandı - Baku TV
- Xətaidə evləri su basdı, sakinlər özündən çıxdı | “İcradan tutmuş “Azərsu”ya qədər dedik” - Baku TV
- FHN-dən Binəqədidə baş verən dəhşətli hadisə barədə açıqlama - Baku TV
- Binəqədidə yanğın baş verən ərazidən son görüntülər - Baku TV
