“BakuBus”ın avtobusu niyə dəhşətli qəzaya düşdü? - Hadisə barədə açıqlama
Bakı şəhəri, Yasamal rayonunda yol-nəqliyyat hadisəsi baş verib.
Belə ki, rayonun Mirəli Seyidov küçəsi ilə Qəzənfər Musabəyov parkının yaxınlığından keçərkən "BakuBus" MMC-yə məxsus 10 nömrəli marşrut xəttinin avtobusu ağaca çırpılıb.
Nəticədə ağac qarşısında duran avtomobilin üzərinə aşaraq ona zərər vurub, həmçinin avtobusda olan 3 sərnişin yüngül xəsarət alıb.
"BakuBus" MMC-dən bildirilib ki, avtobusun ağaca çırpılmasına səbəb sürücünün ehtiyatsızlığı olub:
"Bu gün saat 07:10 radələrində "BakuBus" MMC-nin balansında olan 10 nömrəli marşrut xətti üzrə hərəkət edən 77-JA-658 dövlət qeydiyyat nişanlı avtobus Nazim Hikmət küçəsi, 73 ünvanında (Mirəli Seyidov küçəsi ilə kəsişmədə) hərəkətdə olarkən yol kənarındakı ağaca çırpılıb. Nəticədə ağac qırılaraq dayanacaqda dayanan 90-TE-377 dövlət qeydiyyat nişanlı avtomobilin üzərinə aşıb.
İlkin məlumata əsasən, nəqliyyat vasitəsinin sürücüsü Şəhriyar Məcidzadə ehtiyatsızlıq səbəbindən idarəetməni itirib və nəticədə avtobus yoldan çıxaraq ağaca çırpılıb.
Hadisə ilə bağlı aidiyyəti qurumlara məlumat verilib və hazırda araşdırma aparılır".
#BakuBus teqi istifadə olunub
- "BakuBus"da xanım sürücülər işə başladı | "Kişilər bacarırsa, qadınlar da bacarar"
- “BakuBus” avtobusu Bulvarda qorxulu qəzaya necə düşdü? - Avtobusdakı sərnişinlər...
- Bakı və Gəncədə vətəndaşlar "BakuBus"ların azlığından şikayətçidir | Camaat əziyyət çəkir
- Gəncədə dava düşdü | Avtobusla bağlı çəkilmiş video barədə "BakuBus"dan açıqlama
- Sərnişin sürücünü döydü, avtobuslar yoxa çıxdı | Bəzi yollar ödənişli olacaq? - XÜLASƏ
