Baş Prokurorluq Xocalıdakı kütləvi məzarlıqla bağlı məlumat yaydı

Xocalı şəhərinin mərkəzində, keçmiş xalça fabrikinin yaxınlığında həyata keçirilən baxış istintaq hərəkəti nəticəsində daha 1 nəfərə aid insan qalıqları aşkar edilib.

Bununla da kütləvi məzarlıqda aşkar edilmiş insan qalıqlarının sayı 14-ə çatıb. Bu barədə məlumatı Baş Prokurorluq yayıb.

Məlumata görə, hazırda ərazidə basdırılmış insan qalıqlarının tam müəyyən olunması istiqamətində Baş Prokurorluq tərəfindən Əsir və itkin düşmüş, girov götürülmüş vətəndaşlarla əlaqədar Dövlət Komissiyası, eləcə də digər aidiyyəti qurumların əməkdaşlarının iştirakı ilə hadisə yerinə baxış keçirilərək aşkar edilmiş sümük fraqmentləri ekspertiza və laborator müayinələrin aparılması məqsədilə müvafiq qaydada götürülərək digər zəruri prosessual hərəkətlər yerinə yetirilib.