Bayılda mənzildə güclü yanğın

Paytaxtın Səbail rayonu, Bayıl qəsəbəsində mənzillərdən birində yanğın baş verib.

İlkin ehtimala görə, yanğınla nəticələnən partlayış məişət qazının sızması nəticəsində, “fin” tipli taxta konstruksiyalardan ibarət 2 mərtəbəli yaşayış binasının birinci mərtəbəsindəki mənzildə qeydə alınıb.

Yanğın nəticəsində bir və ikinci mərtəbələrdə yerləşən bir otaqlı mənzillərin bir qismi yanıb, partlayışın təsirindən isə divarlar dağılıb. Hadisə yerinə Fövqəladə Hallar Nazirliyinin əməkdaşları cəlb edilib və alov qısa müddətdə söndürülüb. Yanğınsöndürənlər tərəfindən bir nəfər xilas olunub, iki nəfər isə yüngün bədən xəsarətləri alıb.

Hadisə ilə bağlı araşdırmalar aparılır.