Bayram günlərində baş verən fövqəladə hallarla bağlı vacib məlumat
Yeniliklərdən dərhal xəbərdar olun
Azərbaycanda Qurban bayramı ilə əlaqədar qeyri-iş günlərində 230 yanğın olub. Bu barədə Fövqəladə Hallar Nazirliyindən (FHN) məlumat verilib.
Bildirilib ki, FHN vətəndaşların həyat və fəaliyyətinin təhlükəsizliyinin təmin edilməsi, həyat təminatı və digər mühüm əhəmiyyətli obyektlərdə baş verə biləcək fövqəladə hadisələrə çevik reaksiya verilməsi, onların mümkün nəticələrinin operativ aradan qaldırılması işinin təşkili məqsədilə Qurban bayramı ilə əlaqədar gücləndirilmiş iş rejimində çalışıb.
Belə ki, Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən bayramla əlaqədar qeyri-iş günləri ərzində ümumilikdə 230 yanğına çıxış, 20 köməksiz vəziyyətdə qalma, 2 avtonəqliyyat qəzası və 2 intihara cəhd faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən bayram günləri ərzində 8-i azyaşlı olmaqla 28 nəfər xilas edilib, 2 nəfər təxliyə olunub, 4 nəfər xəsarət alıb, 4 nəfərin meyiti aidiyyəti üzrə təhvil verilib.
#Azərbaycan Respublikasının Fövqəladə Hallar Nazirliyi (FHN) teqi istifadə olunub
- Atatürk prospektində yanğın
- Alovun genişlənməsinə imkan verilmədi | Hadisə yerindən ən son məlumat - Baku TV
- Binəqədidə yerləşən obyektdə başlayan yanğına FHN qüvvələri cəlb olunub - Baku TV CANLI
- Bakıda tanınmış restoranı alov bürüdü | FHN təcili hərəkətə keçdi - Baku TV
- Nəsimidə evdən çıxa bilməyən iki nəfərin köməyinə FHN çatdı - Baku TV CANLI
