Biləsuvarda dəm qazından 1 gündə 11 nəfər zəhərləndi

Biləsuvarda dəm qazından kütləvi zəhərlənmə olub.

Bu barədə Tibbi Ərazi Bölmələrini İdarəetmə Birliyindən məlumat verilib.

Bildirilib ki, yanvarın 21-i gün ərzində Biləsuvar Rayon Mərkəzi Xəstəxanasına dəm qazından zəhərlənmə şübhəsi ilə 11 nəfər müraciət edib.

Hadisələr 4 fərqli ünvanda qeydə alınıb. Zəhərlənənlərin hər birinə zəruri tibbi yardım göstərilib və onlar ambulator müalicə üçün evə buraxılıblar.