Hadisə
Pleyeri seçin:
Cəlilabadda elektrik cərəyanı bədbəxt hadisəyə səbəb oldu
Cəlilabadda tut yeyən azyaşlı həyatını itirib. Elektrik cərəyanı 11 yaşlı qızın həyatına son qoyub. Hadisə rayonun Günəşli kəndində baş verib.
Məlumata görə, kənd sakini 2013-cü il təvəllüdlü Zəhra Niftiyeva tut yemək üçün ağaca çıxıb. Bu zaman onu ağacda elektrik cərəyanı vurub.
Azyaşlı Cəlilabad Rayon Mərkəzi Xəstəxanasına aparılıb. Lakin onun artıq öldüyü məlum olub. Mərhum ailədə 3 bacı və 1 qardaş olublar.
Baş verən bədbəxt hadisə ilə bağlı TƏBİB açıqlama verib. Bildirilib ki, mayın 23-də saat 18:25 radələrində 2013-cü il təvəllüdlü şəxs elektrik cərəyanı vurması səbəbindən xəstəxananın təcili yardım şöbəsinə hospitalizasiya olunub. Onun həkiməqədər ölüm halı qeydə alınıb.
Faktla bağlı araşdırmalar davam etdirilir.
Kopyalandı
Seçilmişlər
