Çoxmərtəbəli yaşayış binasında yanğın | Yasamalda hadisə

Bakıda yaşayış binasında yanğın olub.

Hadisə Yasamal rayonu, Şəfaət Mehdiyev küçəsində yerləşən çoxmərtəbəli yaşayış binalarının birində qeydə alınıb.

Belə ki, hadisəyə səbəb kondisionerdəki nasazlıq olub.

Yanğın zamanı evdə olan ana və övladı dərhal evi tərk ediblər.

Yaşayış binasında baş vermiş yanğın yanğından mühafizə bölmələrinin çevik müdaxiləsi sayəsində qısa müddətdə məhdudlaşdırılaraq söndürülüb.