Dəhşətli qətlin təfərrüatı | Dayısını qətlə yetirməkdə təqsirləndirilən hakim qarşısında - Baku TV

14 fevral 2026 70 baxış

Bakıda dayısını qətlə yetirməkdə təqsirləndirilən Rəhim Qasımovun cinayət işinin məhkəmə baxışı keçirilib.

Bakı Ağır Cinayətlər Məhkəməsinin hakimi Kamil Əliyevin sədrliyi ilə baş tutan prosesdə zərərçəkənin hüquqi varisi – həyat yoldaşı ifadə verərək əri Firdovsi Həsənovun bacısı oğlu tərəfindən öldürüldüyünü və hadisənin təfərrüatı barədə xəbərsiz olduğunu deyib.

O, məhkəmədən Rəhim Qasımova layiqli cəzanın verilməsini xahiş edib. Təqsirləndirilən şəxs isə ifadəsində dayısına 20 bıçaq zərbəsi vurduğunu bildirib. Məhkəmənin növbəti iclası martın 6-na təyin olunub.

Qeyd edək ki, hadisə ötən ilin avqustunda paytaxtın Xətai rayonu ərazisində yerləşən mənzillərdən birində baş verib. İkin araşdırmalarla 32 yaşlı Rəhim Qasımovun bıçaqla xəsarət yetirərək 60 yaşlı Firdovsi Həsənovu qəsdən öldürməsinə əsaslı şübhələr müəyyən edilib. Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.

#Qətl hadisəsi