Dillər Universitetinin yataqxanasında güclü yanğın | Sakinlər evsiz qaldı

Azərbaycan Dillər Universitetinin Binəqədi rayonu, Səttar Bəhlulzadə küçəsində yerləşən yataqxanasında yanğın baş verib.

Hadisədən dərhal sonra Fövqəladə Hallar Nazirliyinin Yanğından Mühafizə Xidmətinin qüvvələri yanğın baş verən əraziyə cəlb olunub. Yanğın operativ müdaxilə nəticəsində qısa müddətdə məhdudlaşdırılaraq söndürülüb.

Universitetin rektoru Kamal Abdullayevin sözlərinə görə, yanğın baş verən yataqxanada tələbələr yaşamırlar:

“Yataqxananın adı bizimdir, bir tələbəmiz belə burada yaşamır. Burada ancaq məcburi köçkünlər məskunlaşıblar”.