DİN Abşerondakı hadisə ilə bağlı araşdırmaya başladı

Abşeronda 19 yaşlı Aynur Nərimanova yaşadığı evdə həyat yoldaşı Alim Nərimanov tərəfindən bıçaqlanıb.

Hadisə Qobu qəsəbəsində Əliağa Vahid küçəsində baş verib.

Bildirilir ki, Aynur iki aylıq hamilə imiş. O, sosial şəbəkə vasitəsilə kuryerliklə məşğul olan Elçin adlı oğlanla tanış olub. Daha sonra isə əri ilə mübahisə edərək Elçinin yanına, yəni Xırdalan şəhərinə gedib. Alim Aynurun telefonunda Elçinlə yazışmasını görüb və bundan hiddətlənərək həyat yoldaşını bıçaqlayıb.

Yaralı Kliniki Tibbi Mərkəzə yerləşdirilib. Məlumata görə, Aynur Nərimanova travmatik pnevmatoraks diaqnozu ilə ağır vəziyyətdə Mərkəzə yerləşdirilib. Torakal Cərrahiyyə şöbəsində müayinə və müalicələri davam etdirilir, hazırda vəziyyəti stabildir.

Faktla bağlı araşdırma aparılır.