FHN əməkdaşları köməksiz qalan azyaşlını belə xilas etdi

Liftdə köməksiz vəziyyətdə qalan azyaşlı xilas edilib.

Belə ki, paytaxtın Xətai rayonu, Gəncə prospektində yerləşən doqquzmərtəbəli yaşayış binasının liftində azyaşlının köməksiz vəziyyətdə qalması barədə Fövqəladə Hallar Nazirliyinə məlumat daxil olub.

Dərhal əraziyə qurumun Bakı Regional Mərkəzinin xilasediciləri cəlb olunublar. Xilasedicilər doqquzmərtəbəli yaşayış binasının texniki nasazlıq səbəbindən yeddinci mərtəbəsində dayanan liftin qapısını xüsusi vasitələrlə açıb köməksiz vəziyyətdə qalan 8 yaşlı oğlanı xilas edərək yaxınlarına təhvil veriblər.