Fikrət Quliyev nədə ittiham olunur? | Məhkəmədə yaşananların detalları

Əvvəllər Yeni Suraxanı bələdiyyəsinin sədri işləmiş Fikrət Quliyevin cinayət işinin məhkəmə araşdırması başa çatıb.

Bakı Ağır Cinayətlər Məhkəməsinin hakimi Novruz Kərimovun sədrliyi ilə keçirilən yekun iclasda hökm oxunub. Təqsirləndirilən doqquz il müddətinə azadlıqdan məhrum edilib.

Xatırladaq ki, ötən prosesdə dövlət ittihamçısı Fikrət Quliyevin 11 il müddətinə azadlıqdan məhrum edilməsini məhkəməyə təklif edib. İstintaqla Fikrət Quliyevin vətəndaşlara torpaq sahələrinin ayrılması, tikinti işlərinin aparılması və digər məqsədlərlə müxtəlif şəxslərdən külli miqdarda pul vəsaitini rüşvət qismində almasına və digər qanunazid əməllər törətməsinə əsaslı şübhələr müəyyən edilib.

Toplanmış sübutlar əsasında ona Cinayət Məcəlləsinin rüşvət alma təkrar və külli miqdarda törədildikdə, vəzifəli şəxsin qərarına qanunsuz təsirgöstərmə və vəzifə saxtakarlığı maddələri ilə yekun ittiham elan edilib.

Onu da qeyd edək ki, Fikrət Quliyev daha əvvəl 20 il polis orqanlarında çalışıb.