Gəldim ki, qonşular iyə yığışıb | Mingəçevirdə meyiti tapılan kişinin kimliyi bilindi

Mingəçevirdə 60 yaşlı kişinin çürümüş meyiti tapılıb.

Hadisə şəhərin Puşkin küçəsində yerləşən üçmərtəbəli binanın mənzillərindən birində qeydə alınıb.

Mərhumun qonşuları bildiriblər ki, ondan 10 gündür xəbər almayıblar. Blokdan pis qoxu gəldiyini hiss edən qonşular aidiyyəti orqanlara məlumat veriblər.

Araşdırmalarla müəyyən olunub ki, meyit 1964-cü il təvəllüdlü Zakir Hacıyevə məxsusdur. Taksi fəaliyyəti ilə məşğul olduğu bildirilən 60 yaşlı kişinin ölüm səbəbi hələ ki məlum deyil. O, uzun illərdir ki, tək yaşayırmış.

Faktla bağlı araşdırma aparılır.