Pleyeri seçin:
Gəncədə kollecdə korrupsiya iddiası | Kollecin sabiq rəhbərləri ilə bağlı şok faktlar - Baku TV
Xəbərlərimizi Google-da izləyin
Yeniliklərdən dərhal xəbərdar olun
Gəncə Dövlət Universitetinin nəzdindəki Gəncə Dövlət Regional Kollecində korrupsiya faktları aşkar edilib.
Bununla bağlı “Qafqazinfo” saytı məlumat yayıb.
Saytın iddialarına görə, təhsil müəssisəsində dövlət vəsaitinin mənimsənilməsi faktları aşkara çıxarılıb və bununla bağlı cinayət işi açılıb.
Cinayət işi çərçivəsində təhsil ocağının keçmiş rəhbərlərindən Fəxrəddin Zeynalov və İlqar Kubışov, iki nəfər keçmiş əməkdaş – Gülnar Bağırzada və Məlahət Əsgərova cinayət məsuliyyətinə cəlb edilib. Onlara qarşı Cinayət Məcəlləsinin vəzifə səlahiyyətlərindən sui-istifadə etmə və külli miqdarda mənimsəmə maddələri ilə ittiham irəli sürülüb.
Təqsirləndirilən şəxslər hazırda həbsdə deyil. Onlar haqqında məhkəmə tərəfindən polisin nəzarəti altına vermə qətimkan tədbiri seçilib. Dəymiş ziyan ödənilməsə, eks-vəzifəli şəxslər beş ildən 10 ilədək həbs edilə bilərlər.
Qeyd edək ki, Gəncə Dövlət Regional Kollecinin 2023-cü ilə kimi rəhbəri Fəxrəddin Həsənov olub. O, təqaüdə getdikdən sonra yerinə riyaziyyat üzrə fəlsəfə doktoru, dosent İlqar Kubışov təyin edilib. Lakin Kubışov cəmi 1 il sonra vəzifəsindən azad olunub.
Kopyalandı
Seçilmişlər
