Hamı buna görə yanıb | Sabunçudakı dəhşətli partlayışla bağlı detallar ortaya çıxdı

Sabunçu rayonu, Yusif Qasımov küçəsində fərdi yaşayış evində partlayış baş verib.

Hadisə nəticəsində bir ailənin dörd üzvü xəsarət alıb.

Xəsarət alanlar Nərimanov Tibb Mərkəzinin nəzdində fəaliyyət göstərən Yanıq Mərkəzinə hospitalizasiya olunublar.

Xəstəxanadan verilən məlumata görə, yaralılardan 2017-ci il təvəllüdlü (kişi cinsli) azyaşlıya bədən səthinin 80%-nin III-IV dərəcəli termiki alov yanığı şoku, 2018-ci il təvəllüdlü (qadın cinsli) azyaşlıya bədənin II-III dərəcəli termiki alov yanığı şoku, 1960-cı il təvəllüdlü (qadın cinsli) şəxsə üzün, hər iki yuxarı və aşağı ətrafların II-III dərəcəli termiki alov yanığı, 1990-cı il (qadın cinsli) təvəllüdlü şəxsə üzün, boynun, hər iki yuxarı və aşağı ətrafların II-III dərəcəli termiki alov yanığı diaqnozları təyin edilib:

“Hazırda 2017-ci il təvəllüdlü (kişi cinsli) şəxsin vəziyyəti kritik ağır, digər 3 nəfərin vəziyyəti isə ağır qiymətləndirilir. Onların hər biri Reanimasiya şöbəsinə yerləşdirilib və müalicələri davam etdirilir”.