Kiberpolisdən xüsusi əməliyyat | Dövriyyəsi 10 milyon manatdan çox olan...

DİN-in Kibercinayətkarlıqla Mübarizə Baş İdarəsi internet üzərindən qanunsuz qumar oyunları təşkil edən mütəşəkkil cinayətkar şəbəkəni ifşa edib. Baku TV-nin xüsusi reportajında bildirilir ki, paytaxt ərazisindəki müxtəlif gizli ofislərdə eyni vaxtda keçirilən xüsusi əməliyyat nəticəsində 10 nəfərdən ibarət dəstə üzvləri saxlanılıb. Araşdırmalar zamanı məlum olub ki, dəstə üzvləri sosial şəbəkələrdə (əsasən Instagram) müxtəlif adlar altında səhifələr açaraq vətəndaşları qeyri-leqal saytlar üzərindən qumar oyunlarına cəlb ediblər. Əməliyyat zamanı 500-dən çox bank kartı, çoxsaylı mobil nömrələr və elektron sübutlar aşkarlanıb. Ən diqqətçəkən məqam isə bu şəbəkənin fəaliyyət göstərdiyi müddət ərzində pul dövriyyəsinin 10 milyon manatdan çox olmasıdır. Saxlanılan şəxslərin qanunsuz gəlirlərin bir hissəsini kriptovalyutaya çevirərək xaricə transfer etdikləri də müəyyən edilib.