Hadisə
Pleyeri seçin:
“Koroğlu”da avtobusda ailə münaqişəsi | “BakuBus”dan hadisə barədə açıqlama
Mayın 20-si metronun "Koroğlu" stansiyası yaxınlığında 172 nömrəli marşrut avtobusunda insident qeydə alınıb.
"BakuBus" MMC-dən bildirilib ki, sözügedən hadisə ailədaxili münaqişə zəminində baş verib.
"Ötən gün saat 17:30 radələrində "Koroğlu" Nəqliyyat Mübadilə Mərkəzində "BakuBus" MMC-nin istismarında olan, 172 nömrəli müntəzəm marşrut xətti üzrə hərəkət edən, 99-JU-869 dövlət qeydiyyat nişanlı avtobusda sərnişinlər arasında insident baş verib.
Hadisənin ailədaxili münaqişə zəminində baş verdiyi müəyyən edilib. Nəqliyyat vasitəsini idarə edən sürücü Pərviz Zeynalov hadisəyə operativ reaksiya göstərərək sərnişinlərin təhlükəsizliyini təmin etməyə çalışıb və ərazidə xidmət aparan polis əməkdaşlarına məlumat verib. Polis əməkdaşları qısa müddət ərzində insidentə müdaxilə edib, insidentə səbəb olan şəxslər nəzarət altına alınaraq avtobusdan uzaqlaşdırılıblar", ‒ məlumatda deyilir.
Kopyalandı
Seçilmişlər
