Lənkəranda 33 nəfər saxlanıldı | DİN-dən vacib məlumat

Lənkəranda polis əməkdaşlarının keçirdikləri tədbirlərlə narkotik vasitə və psixotrop maddələrin qanunsuz dövriyyəsini təşkil edən, əvvəllər də eyni əmələ görə məhkum olunmuş Elşən Hüseynov saxlanılıb. Bu barədə Daxili İşlər Nazirliyi məlumat yayıb.

Bildirilib ki, Elşən Hüseynovdan tərkibi psixotrop maddə ilə zənginləşdirilmiş 17 kiloqram marixuana və bir kiloqram heroin aşkarlanıb.

Araşdırmalarla onun narkotikləri şəxsiyyəti istintaqla araşdırılan Razi adlı İran vətəndaşından əldə etdiyi müəyyən edilib. Məhkəmənin qərarı ilə Elşən Hüseynov barəsində həbs qətimkan tədbiri seçilib.

Bundan əlavə, son bir ay ərzində Lənkəran polisinin keçirdiyi tədbirlərlə narkotiklərin qanunsuz dövriyyəsini təşkil edən ümumilikdə 33 nəfər saxlanılıb.

Faktla bağlı araşdırma aparılır.