Lənkəranda dəhşətli zəncirvari qəza | Xəsarət alanlar var
Lənkəranda üç avtomobilin toqquşması ilə nəticələnən zəncirvari qəza baş verib.
Hadisə rayonun Darquba kəndi ərazisində qeydə alınıb.
33 yaşlı Ağəddin Qasımov idarə etdiyi “QAZel” markalı yük avtomobili ilə hərəkətdə olarkən əvvəlcə eyni istiqamətdə hərəkətdə olan 34 yaşlı İsmayıl Əliyevin idarə etdiyi “Mercedes” markalı minik avtomobili, sonra isə qarşıdan gələn “VAZ-2106” markalı minik avtomobili ilə toqquşub.
Əraziyə cəlb olunan Fövqəladə Hallar Nazirliyinin xilasediciləri avtomobildə sıxılıb qalan sürücü, Lənkəranın Şağlaküçə kənd sakini, 34 yaşlı Ramin Şükürovu çıxararaq təcili yardım briqadasına təhvil veriblər.
Qəzada xəsarət alan digər 2 nəfər – 35 yaşlı Ağasif İsmayılov və 59 yaşlı Qasım Qasımov da Lənkəran Rayon Mərkəzi Xəstəxanasına çatdırılıb.
Qeyd edək ki, qəza nəticəsində Lənkəran-Lerik magistralında 1 saatdan çox tıxac yaranıb. Faktla bağlı araşdırma aparılır.