Pleyeri seçin:
Lənkərandakı mağazada qorxulu partlayışın səbəbi nədir? - Yaralanan var
Lənkəran rayonunun Şovu kəndində yerləşən mağazalardan birində partlayış qeydə alınıb.
Hadisə səhər saatlarında, mağazaya işləməyə gələn satıcı Mahir Cəbrayılov elektrik avadanlıqlarını işə saldığı zaman baş verib.
Kənd sakinlərinin sözlərinə görə, partlayışa səbəb qaz sızması ola bilər.
“Səkkizin yarısı işə gedirdim, gəlib gördüm ki, camaat yığışıb. Yaxınlaşanda dedilər ki, qazdan partlayış olub. Əgər soyuducudan olsaydı, yəqin ki, digər qaz balonu da partlayardı”, – deyə sakinlərdən biri bildirib.
Partlayış zamanı xəsarət alan M.Cəbrayılov Lənkəran Rayon Mərkəzi Xəstəxanasına aparılıb. Xəstəxanadan bildirilib ki, onun bədəninin müxtəlif nahiyələrində 1-ci və 2-ci dərəcəli texniki yanıq olub. Müvafiq tibbi xidmətlər göstərildikdən sonra xəstə müalicəsinin davamı üçün Bakıdakı Nərimanov Tibb Mərkəzinə göndərilib.
Kopyalandı
Seçilmişlər
