“Lotu Quli”nin yaxın adamını qətlə yetirən şəxsə hökm oxunub

“Lotu Quli” ləqəbli kriminal avtoritet Nadir Səlifovun yaxın adamı Cabir Həsənovu Rusiyada qətlə yetirməkdə təqsirləndirilən, kriminal aləmdə “Yeraz Camal” kimi tanınan Camal Həsənovun cinayət işi üzrə məhkəmə istintaqı başa çatıb.

Bakı Ağır Cinayətlər Məhkəməsində hakim Siyavuş Hacıyevin sədrliyi ilə keçirilən prosesdə təqsirləndirilən şəxsə son söz verildikdən sonra hökm elan olunub.

Hökmə əsasən, Camal Həsənov 18 il müddətinə azadlıqdan məhrum edilib.

Qeyd edək ki, prokuror çıxışı zamanı Camal Həsənova 19 il həbs cəzasının verilməsini istəmişdi.