Masallıda dəhşətli hadisə | Rusiyadan qayıdan həmkəndlisini qətlə yetirdi

Masallıda iki həmkəndli arasında yaranan münaqişə qanla bitib.

Hadisə mayın 20-si axşam saat 20:00 radələrində rayonun Şıxlar kəndində qeydə alınıb.

Qasımlı kənd sakini 53 yaşlı Seymur Alışanovun ov silahı və kəsici alətlə qətlə yetirilməsi ilə bağlı polisə məlumat daxil olub. Hüquq-mühafizə orqanlarının keçirdikləri tədbirlər zamanı cinayət əməlini törətməkdə şübhəli bilinən Seymur Alışanovun həmkəndlisi 30 yaşlı Aslan Ağazadə saxlanılıb.

İlkin məlumata görə, hadisə şəxsi münaqişə zəminində baş verib. Belə ki, Rusiyada yaşayan və bu ölkənin vətəndaşı olan Seymur Alışanov vətənə dönüb. Aralarında yaranan mübahisəyə aydınlıq gətirmək üçün Aslan Ağazadə Seymurun olduğu yeməkxanaya gəlib. O, özü ilə gətirdiyi ov tüfəngi ilə Seymura atəş açaraq onu qətlə yetirib.

Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Masallı rayon şöbəsinə təhvil verilib.

Faktla bağlı Rayon Prokurorluğunda araşdırma davam etdirilir.