Masazırda meyiti tapılan qadının atası danışdı

Abşeronda qadın meyiti tapılıb.

Hadisə Masazır qəsəbəsinin Qara Qarayev küçəsindəki fərdi yaşayış evində qeydə alınıb. Dünyasını dəyişən Səbinə Rzayevanın atası qızının tanımadığı bir oğlanla münasibət qurduğunu və narkotik aludəçisi olduğunu bildirib: “Aylarla onun yanında qalırdı. Üç aydan bir gəlib, uşağını görüb gedirdi. Orada, deyəsən, narkoti satışı ilə də məşğul olurdular”.

Qeyd edək ki, 40 yaşlı S.Rzayeva bir neçə dəfə müxtəlif maddələr ilə məhkumluq həyatı yaşayıb. Sonuncu dəfə isə tanışı tərəfindən döyüldükdən sonra atası evinə gəlib və orada vəfat edib. Faktla bağlı Abşeron Rayon Prokurorluğunda araşdırma aparılır.