Metroda axtarışda olan şəxs saxlanıldı

Bakı Metropoliteninin qatarlarının birində borclu qismində axtarışda olan şəxs saxlanılıb. Bu barədə Daxili İşlər Nazirliyindən məlumat verilib.

Bildirilib ki, metropolitendə Polis İdarəsinin əməkdaşları tərəfindən görülən tədbirlərlə Sumqayıt şəhər sakini Nəsrəddin Hüseynov saxlanılıb.

Şəxsi axtarış zamanı ondan heroin və metamfetamin aşkar olunaraq götürülüb. Saxlanılan şəxs barəsində hazırda araşdırma aparılır.