Naxçıvanda saxta aksizli külli miqdarda içki aşkarlandı - Baku TV

Naxçıvan Muxtar Respublikasının İqtisadiyyat Nazirliyi yanında Dövlət Vergi Xidməti külli miqdarda saxta aksiz markalı mallar aşkarlayıb.

Belə ki, Sahil Murtuzayevaya məxsus, Kəngərli rayonunun Qarabağlar kəndi ərazisində yerləşən anbarda külli miqdarda saxta aksiz markası ilə markalanmış alkoqollu içkilər tapılıb və müvafiq sənədləşmələr aparıldıqdan sonra həmin mallar götürülüb.

Hazırda faktla bağlı Dövlət Vergi Xidməti tərəfindən araşdırmalar aparılır.

Dövlət Vergi Xidməti bütün sahibkarlıq subyektlərini vergi və digər qanunvericiliklə müəyyən edilmiş tələblərə ciddi riayət etməyə çağırır.

“Qanunvericiliyin tələblərinə əməl olunması sahibkarların əlavə maliyyə sanksiyaları və digər hüquqi məsuliyyət tədbirləri ilə üzləşməsinin qarşısını almaqla yanaşı, bazarda sağlam, bərabər və ədalətli rəqabət mühitinin qorunmasına, kölgə iqtisadiyyatının həcminin azaldılmasına xidmət edir.

Aksizli məhsulların istehsalı və dövriyyəsinə nəzarətin gücləndirilməsi istiqamətində görülən tədbirlər bundan sonra da davam etdiriləcək”, – deyə qurum bəyan edib.