Oğurladığı yarım milyon pulu bir anda uduzdu

Saatlıda Elvin Vəliyev adlı şəxs əmisinin evindən külli miqdarda pul və qızıl-zinət əşyaları oğurlayıb.

Araşdırmalarla məlum olub ki, Saatlı rayon sakini Elvin Vəliyev ilkin olaraq evdən 100 000 manat dəyərində qızıl-zinət əşyaları oğurlayıb. Daha sonra onları Saatlı və İmişli rayonları ərazisində fəaliyyət göstərən lombardlara qoyaraq müqabilində pul götürüb.

Bir müddət keçdikdən sonra isə Elvin Vəliyev yenidən həmin ünvana daxil olaraq seyfdən 5 milyon rubl, 128 800 dollar, 12 000 avro, 50 000 manat pul götürərək zərərçəkənə ümumilikdə 490 000 manatdan çox maddi ziyan vurub.

O, oğurluq yolu ilə əldə etdiyi qənimətləri onlayn mərc oyunlarında uduzub və törətdiyi əməli etiraf edərək peşman olduğunu bildirib.

Qeyd edək ki, Elvin Vəliyev əvvəllər də məhkumluq həyatı keçirib.