Piyada son anda qəzadan xilas oldu

Bakıda hava limanına gedən yolda təhlükəli anlar yaşanıb.

Belə ki, yüksək sürətlə hərəkətdə olan avtomobilin qarşısına anidən piyada çıxıb. Sürücünün son anda manevr etməsi sayəsində piyada qəzadan xilas ola bilib.

Hadisə bununla da bitməyib. Öz zolağında hərəkət edən avtomobilin qarşısına bir neçə saniyə sonra anidən başqa bir avtomobil çıxıb. Sürücünün ayıq-sayıqlığı nəticəsində bu məqamda da qəza baş verməyib.

Avtomobilin müşahidə kamerasında qeydə alınan görüntülər sosial şəbəkədə yayılıb.