Hadisə
Pleyeri seçin:
Qardaş qatili hadisədən sonra görün nə etdi | Ağdaş sakinləri dəhşətli hadisəni danışdı
Ağdaşda qətl hadisəsi baş verib. Hadisə rayonun Aral-2 kəndində qeydə alınıb.
Belə ki, aralarında yaranan şəxsi münasibətlər zəminində kənd sakini, 47 yaşlı Qalib Musayev qardaşı, 49 yaşlı Mirmehdi Musayevin qarın nahiyəsindən bıçaq zərbəsi endirib. Ağır bədən xəsarətləri alan yaralı elə hadisə yerindəcə dünyasını dəyişib.
Kənd sakinlərinin sözlərinə görə, qətli törədən Q.Musayev polisə könüllü təslim olub.
“Mirmehdi sakit adam olub, heç kimlə problem yaşamayıb. İki qardaş arasında mübahisə düşüb, dalaşmağa başlayıblar. Sonra da bu hadisə baş verib”, – deyə mərhumun qonşusu bildirib.
Qeyd edək ki, hadisənin mülk üstündə baş verdiyi bildirilir.
Faktla bağlı Ağdaş Rayon Prokurorluğunda araşdırma aparılır.
Kopyalandı
Seçilmişlər
