Qışqırdı ki, tez gəl, Mübarizi bıçaqlayıblar... | Xaçmazda qandonduran hadisənin təfərrüatı

Xaçmaz rayonunun Fərzəlioba kəndində dəhşətli hadisə baş verib.

42 yaşlı kişi həmkəndlisi, 31 yaşlı Səbuhi Mahmudov tərəfindən bıçaqlanıb.

Hadisə axşam saatlarında baş verib. Zərərçəkənin qardaşının verdiyi məlumata görə, qardaşının həyat yoldaşı ona zəng edərək təcili evə gəlməsini bildirib:

“Qardaşımın yoldaşı zəng edib dedi ki, tez gəl, Səbuhi Mübarizi bıçaqlayıb. Gəlinin dediyinə görə, qardaşıma 9 bıçaq xəsarəti yetirilib. Cinsiyyət orqanının kəsilməsi barədə yayılan məlumatlar həqiqəti əks etdirmir. Onların arasında əvvəldən ədavət olub, pul üstündə mübahisələri vardı. Mübariz onu söyüb, aralarında dava düşüb. Səbuhi də qisas almaq üçün bunu əvvəlcədən planlaşdırıb”.

Xaçmaz Rayon Mərkəzi Xəstəxanasından bildirilib ki, 15 may 2025-ci il tarixində bıçaq xəsarətləri ilə xəstəxanaya yerləşdirilən 1983-cü il təvəllüdlü kişi Cərrahiyyə şöbəsinə hospitalizasiya olunub:

“Ona xarici cinsiyyət üzvünün tam kəsilməsi diaqnozu qoyulub. Hazırda vəziyyəti ağır olaraq qiymətləndirilir”.