Pleyeri seçin:
"Bütün gecəni axtarmışıq" | Mərhumun ailənin yeganə övladı olduğu açıqlanıb - Baku TV
Ucarda bədbəxt hadisə baş verib.
Hadisə rayonun Rəstəcə kəndində qeydə alınıb.
Belə ki, rayon sakini, 16 yaşlı Əlisafa Hacıyev dostları ilə birlikdə kənd ərazisindən keçən, “Qəzyan arxı” adlanan su kanalında çimərkən ehtiyatsızlıqdan boğulub.
Hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun əməkdaşları cəlb olunublar. Mərhumun meyiti sudan çıxarılaraq aidiyyəti üzrə təhvil verilib.
“Evin tək oğludur. Onun çimməyə getdiyini ilk dəfə idi eşidirdim. Məlumatı gec aldıq. Saat doqquza qalmış xəbər tutduq ki, çimərkən burulğana düşərək batıb. Bütün gecə onu axtarmışıq. Meyiti suya düşdüyü yerdən təxminən 120-150 metr aralıda tapılıb”, – deyə mərhumun qohumu bildirib.
Kopyalandı
Seçilmişlər
