"Roşka"nın məhkəməsində gərgin anlar | Məhkəmə tiktokerlə bağlı hansı qərarı verdi?

Bakı Ağır Cinayətlər Məhkəməsində hakim Roman Ələkbərlinin sədrliyi ilə "Roşka" ləqəbi ilə tanınan tiktoker Rövşən Süleymanovun cinayət işi üzrə məhkəmə iclasında gərgin anlar yaşanıb. Məhkəmə zamanı müdafiə tərəfinin təqsirləndirilən şəxsin ev dustaqlığına buraxılması ilə bağlı vəsatəti müzakirə edilsə də, vəsatət təmin olunmayıb və "Roşka"nın həbs qətimkan tədbiri qüvvədə saxlanılıb. İclasda həmçinin iş üzrə şahid ifadələri dinlənilib və istintaq materiallarına əlavə edilmiş video görüntülər tədqiq edilib. Rövşən Süleymanov Cinayət Məcəlləsinin 234.1-1-ci maddəsi (satış məqsədi olmadan külli miqdarda narkotik vasitələrin dövriyyəsi) ilə ittiham olunur. Xatırladaq ki, o, Daxili İşlər Nazirliyinin sosial şəbəkələrdə əxlaqsızlığın təbliği və qanunsuz hərəkətlərə qarşı keçirdiyi xüsusi əməliyyat zamanı saxlanılmışdı. Prosesin bütün təfərrüatları Baku TV-nin reportajında.