Pleyeri seçin:
Saxta elanlarla dələduzluq edən şəxs tutuldu | DİN-dən əhaliyə xəbərdarlıq
Sosial şəbəkələrdə uşaq bağçalarında işə qəbulla bağlı saxta elanlar verib insanları aldadan və onların pul vəsaitlərini ələ keçirən şəxs müəyyən olunub.
Daxili İşlər Nazirliyinin yaydığı məlumata görə, vətəndaşlara qarşı kütləvi dələduzluq əməllərində şübhəli bilinən 1995-ci il təvəllüdlü Mirnicat Əmirov saxlanılıb.
Mirnicat Əmirov onunla əlaqə saxlayan hər bir vətəndaşdan işə qəbulla bağlı müraciətin qeydə alınması üçün müxtəlif məbləğlərdə pulun onun kartına köçürülməsini tələb edib. O, həmin pulları nağdlaşdırdıqdan sonra zərərçəkənlərin əlaqə nömrələrini bloklayıb.
Şübhəli şəxsdən çoxsaylı bank kartları, elan saytlarında yerləşdirdiyi mobil telefon nömrələri və digər elektron sübutlar aşkar olunaraq götürülüb. Faktla bağlı araşdırmalar davam etdirilir.
Nazirlikdən bir daha vətəndaşlara tövsiyə edilir ki, elan saytlarında yerləşdirilən məlumatlara münasibətdə diqqətli olsunlar, onlayn ödənişlər etməsinlər.
Kopyalandı
#Saxta elanlar teqi istifadə olunub
- DİN xaricdə iş və təhsil adı altında saxta elanlarla bağlı vətəndaşlara müraciət edib - Baku TV
- Onlayn dələduzluq şəbəkəsi çökdürüldü | DİN-dən təcili əməliyyat
- Yalan vakansiyalara aldananlar nələrlə üz-üzə qala bilər? | Nazirlikdən təcili açıqlama
- Yalan elanlara aldanmamaq üçün nə etməliyik? | Ekspertdən açıqlama
- Bakıda dələduzluq edən şəxs saxlanıldı | Hər şeyi etiraf etdi
Seçilmişlər
