Şəmkirdə qaz partlayışı ikimərtəbəli evdə dağıntılara səbəb oldu

Şəmkir rayonu, Çaparlı kəndində 2 mərtəbəli fərdi evdə partlayış olub, 3 nəfər xəsarət alıb.

Hadisə Çaparlı kənd sakini, Murad Mərdanova məxsus 2 mərtəbəli evdə qeydə alınıb.

Hadisə zamanı bir ailənin 3 üzvü – 2001-ci il təvəllüdlü Azadə Mərdanova, 1985-ci il təvəllüdlü Bəsdi Mərdanova və 1 yaşlı uşaq müxtəlif xəsarətlər alıb. Onlar xəstəxanaya çatdırılıb, vəziyyətləri kafi və orta-ağır qiymətləndirilir.

Qeyd edək ki, qazsızma nəticəsində baş vermiş partlayış səbəbindən evin hər iki mərtəbəsinə ciddi ziyan dəyib. Faktla bağlı araşdırma aparılır.