Sərnişinlərin həyatı ilə oynayan narkoman sürücü necə cəzalandırıldı?
Baş Dövlət Yol Polisi İdarəsinin Ekoloji Nəzarət Bölüyünün əməkdaşları tərəfindən həyata keçirilən tədbirlər nəticəsində narkotik maddənin təsiri altında sərnişin daşıma fəaliyyəti göstərən sürücü ifşa olunub.
Bu barədə BDYPİ məlumat yayıb.
Belə ki, stasionar postda yoxlama-nəzarət qaydasında saxlanılan "Hyundai" markalı mikroavtobusun sürücüsü Hafiz Piriyevin sənədləri yoxlanılarkən hərəkətləri şübhə doğurduğundan o, tibbi müayinədən keçməyə dəvət olunub.
Müayinə zamanı Hafiz Piriyevin narkotik maddə qəbul etməsi müəyyən edilib və o, narkotik istifadəçisi olduğunu etiraf edib.
Barəsində inzibati protokol tərtib edilən Hafiz Piriyev məhkəmənin qərarı ilə sürücülük hüququ 2 il müddətinə məhdudlaşdırılmaqla 1 ay müddətində inzibati qaydada həbs olunub.
"Sərnişinlərin həyatı üçün təhlükə yarada biləcək hadisənin qarşısı növbəti dəfə DYP əməkdaşlarının sayıqlığı nəticəsində alınsa da, sərnişindaşıma fəaliyyəti göstərən fiziki və hüquqi şəxslər bu sahədə daha kəsərli tədbirlər görməli, sükan etibar etdikləri sürücülərlə bağlı qanunvericiliyə uyğun nəzarət tədbirləri gücləndirilməlidir", ‒ məlumatda bildirilib.
#Baş Dövlət Yol Polisi İdarəsi teqi istifadə olunub
- Yanvarın 19-na olan hava proqnozu açıqlanıb | Hava haqqında məlumat - Baku TV
- Ehtiyatlı olun, hava kəskin pisləşir | Hava ilə bağlı xəbərdarlıq - Baku TV
- Bu səhvi edənlər faciə ilə üzləşə bilər | Sürücülərin nəzərinə - Baku TV
- DYP hava ilə bağlı sürücülərə çağırış etdi - Baku TV
- “Bu qaydalara ciddi riayət edin” | Qatı duman sürücülərə çətinlik yaratdı - Baku TV
