Sumqayıtda iki gəncin mübahisəsi | Bir nəfər xəstəxanalıq oldu

Sumqayıtda tanışların mübahisəsi qanla nəticələnib.

Hadisə Nizami küçəsi 1 nömrəli tam orta məktəbin qarşısında qeydə alınıb.

Belə ki, 24 yaşlı Pərviz Bağırov tanışı ilə mübahisə edib. Bu zaman tanışı ona 4 bıçaq zərbəsi endirib.

Sumqayıt Tibb Mərkəzinin nəzdindəki Təcili Tibbi Yardım Xəstəxanasına çatdırılan yaralıya döş qəfəsinin səthinin kəsilmiş-deşilmiş yarası diaqnozu qoyulub. Cərrahi əməliyyat edilən xəstənin vəziyyəti orta ağır qiymətləndirilir.

Hadisəni törətməkdə şübhəli bilinən Kamran adlı şəxsin axtarışları davam etdirilir. İddialara görə, hadisəyə səbəb tanışların söhbəti zamanı Pərvizin sözünün Kamrana xoş gəlməməsi olub.