Sumqayıtda zəhərlənmə hadisəsi baş verib

Sumqayıtda ana və üç övladı dərmandan zəhərlənib. Hadisə şəhərin 12-ci mikrorayon ərazisində qeydə alınıb.

42 yaşlı Sevgül İsgəndərovanın hadisəni qəsdən törətdiyi ehtimal olunur.

TƏBİB-dən verilən məlumata görə, mayın 21-də saat 15:20 radələrində təcili tibbi yardım vasitəsilə 2-si kişi, 2-si qadın olmaqla 4 nəfər zəhərlənmə şübhəsi ilə Sumqayıt Tibb Mərkəzinin nəzdində olan Uşaq Xəstəxanasına hospitalizasiya olunublar. Onlara ilkin tibbi yardım göstərilib. Daha ixtisaslı tibbi yardım üçün Kliniki Tibbi Mərkəzin Toksikologiya şöbəsinə hospitalizasiya olunan şəxslərə zəruri tibbi xidmətlər göstərilib.

Göstərilən tibbi xidmətlərdən sonra vəziyyətləri qənaətbəxş olaraq qiymətləndirilib. Daha sonra valideynin yazılı iltizamnaməsi əsasında onların hər biri ambulator müalicə üçün evə buraxılıblar.

Faktla bağlı araşadırma aparılır.