Tovuzda bacı qardaşını elə döydü ki... | Eşidənləri şoka salan hadisənin sonu görün necə bitdi

Tovuz rayonunun Abulbəyli kəndində şoka salan və ciddi xəsarətlərlə nəticələnən bir ailə-məişət münaqişəsi baş verib. Hadisə kənd sakininin sərxoş vəziyyətdə evə gəlməsi və atasına məxsus mobil telefon adapterini geri qaytarmaması səbəbindən başlayıb. Ata-oğul arasında yaranan mübahisə zamanı oğul atasını söyüb. Qardaşını sakitləşdirməyə çalışan bacı da təhqirlərə məruz qaldıqdan sonra, əsəblərini cilovlaya bilməyərək qardaşına fiziki zərbələr endirib. Nəticədə qardaş sifət nahiyəsindən ağır xəsarətlər alıb və 4 dişi qırılıb. Faktla bağlı cinayət işi başlansa da, hadisənin sonu gözlənilməz bitib: Tovuz Rayon Məhkəməsində keçirilən araşdırma zamanı zərərçəkən qardaş bacısı ilə barışıb. Məhkəmənin qərarı ilə cinayət işinə xitam verilib və bacı cinayət məsuliyyətindən azad edilib.